Sozdar Omer got amadekariyên wan jî temam bûne, “Ev hefteyeke me dest bi amadekarî û provayên lîstikê kiriye. Her wiha divê lîstikê de hem jin hem jî mêr cihê xwe digirin. Hebûna mêran di vê lîstikê de danasîna rêbazên şideta li dijî jinê ye. Ruxmê derfetên kêm, em ê rojên wiha pêşwazî bikin û şideta ku li ser jinê tê meşandin red bikin.”
Sozdar Omer herî dawî diyar kir ku wê lîstika wan sê rojan dewam bike: “Lîstika me 20’ê Mijdarê dest pê bike û 22’yê Mijdarê bi dawî bibe. Yanî 3 rojan wê sê caran li Şehbayê li sê cihan bê nîşandan. Bi hêviya ku her jinek hebûna xwe û zihniyeta zilam a serdest têde bibîne.”
