Her em nêzîk bûn dengê stranê xweştir hat. Me xwe li Navenda Çand û Huner a Mexmûrê (NÇNM) xwe dît.
Me silav li wan kir. Wan jî em bi kêfxweşî pêşwazî kirin, kela canê wan hinekî rabû û piçekî jî şermokî bûn.
Li ser dikê komek zarokên keç yên 10-12 salî li ber stranan pirranî pêxas govend digerandin. Bêrîtan sergovendî bû û destmala kesk, sor û zer dihejand. Bêrîtan li ser govendê weke çûkan difiriya û bi ken serkêşiya govendê dikir.
Me ji mamosteyê wan pirsî bê ka meseleya vê govendê çi ye? Mamoste got, ew hewl didin di bin sêwana NÇHM’ê de komeke govendê ya zarokan çêbikin. Niha jî hewl didin ku komeke nû ava bikin, ev zarok jî ji bo provayan kom bûne û govendê digerînin.
