Ew ji bo kurtefilma anîmasyon a xwe û Poliana Baumgarten dibêje, “Ji bo me muhim bû ku em dîroka şidetê û nemirovkirina nijadperest a hin bedenan û xisletên wê rohnî û zelal bikin. Bi vê jî me xwest, tesîrên wan ên heta îro nîşan bidin. Nexasim jî jinên reşik û porên wan. Îdealên bedewiyê yên ku bi giştî weke standartên bêguneh tên dîtin, encama dîrokeke dirêj a şidetê ne. Ew encamên îdeolojiyên mêhtinger-nijadperest û mîsojîn yanî dijminê jinan in. Ji ber wê li cihekî di filma me de tê gotin, “Por hema welê por nînin”. Wekî din em bi awayên berxwedanê û xweavakirina jinên reşik jî daketin.
Bibîranîn berxwedan e
Ew halê hazir tevî Duygu Ors, Bilal Ata Aktaş, Engin Sustam û Şener Ozmen li ser projeyeke pêşangehê ya bi navê “bê welat” kar dike. Pêşangeh wê li nGbk ya li Berlînê çêbe. Mijar trawmaya kolektîf, awayên berxwedanê û şert û mercên şer û sirgûnê mohra xwe li wan xistiye. Pêşangeh wê Hezîrana 2021´ê vebe.
