Hingê yanî di salên 1940´î de Rose Piper yek ji 4 hunermendên wêneyên mucered ên Afro-Emerîkî bû ku li New Yorkê karîbûn pêşangeheke solo vekin.
Piştî ku di salên 1980´yî de ji dîzaynkeriya tekstîlê teqawît bû, wê rengandin û xêzkirin ji nû ve ji xwe re kir kar û pêşangeh vekirin.
Rose Piper (Rose Theodora Sams) li Bronx mezin bûye, cihê ku bavê wê lê mamosteyê Latînî û Yewnanî bû. Ew ji Hunter Collegeê sala 1940´î mezûn bû û ji 1943´yan heta 1946´an jî ew di Art Students League a New Yorkê de û li wir wê Vaclav Vytlacil û Yasuo Kuniyoshi xwendin. Jixwe hingê piştî ku wê Sterling Brown nas kir elaqeya wê ya ji muzîka blues re çêbû.
Piştî navbereke 30 salan vegera li huner
Di hunerê wê de jinên Afro-Emerîkî yên xurt mirov dibîne. Lê mirov her wiha yên lawazkirî, dafdayî bermirinê jî di stasyona metroyeke New Yorkê de dibîne, tevî rexneyeke civakî. Rexneyên li gotara belav a hunerî û hunerê dêrê jî ku figurên Xirîstiyaniyê hemûyan spî nîşan didin jî di berhemên wê de heye; weke At the gates of hell (Li ber dergehê dojehê) ku tê de fîgura sereke ya rizgarker mirovekî reş e.
