Di vî filmê hunerî de em şahidiyê dikin li şideta polês û terora ku dewleta Tirk rojane bi rê ve dibe: Av weke sîleheke şerî. Koçberkirina bi darê zorê dibe amûreke zor û desthilatê di destê rejîma dewleta Tirk a otorîter.
Di vî filmî de esas Leyla ne tenê sembola bi sedhezaran kesên mexdûrê terora dewleta Tirk e, ew di heman demê de bi lêgerîn, pirs û hewldanên xwe sembola israr, piştgirî û berxwedana mexdûrên zor û terora dewleta Tirk e jî.
Ew gava vê dike, rêbazên ceribandinê yên rêzefilman jî serketî bi kar tîne. Mesela wê rêbaza “Cliffhanger”* a rêzefilman bi kar aniye. Wê ev yek ji bo karê serwextkirina xelkê di meseleya zor û terora dewleta Tirk de kiriye, lê gava ev kiriye jî xwe ne xistiye şûna mamosteyekê û film qet weke ku dîdaktîk be tesîrê nake.
