Medenî Ferho got, “Şoreşa Rojava di civakê de çarçoveyek, çandek û felsefeyeke nû ye. Dema em behsa felsefeyê bikin, divê em behsa rola rêber Abdullah Ocalan û felsefeya wî bikin ku teorî û rewşa Kurd di nav 5 hezar salan de analîz kir û jê fikreke nû derxist.”
Şoreş; tevgereke civakî ye ku felsefeyekê dike bingeh. Zêhniyeta civakê bi pêş dixe û diguhere. Şoreş, ne guhertineke siyasî yan jî guhertineke ji bo têkbirina desthilatê û pêkanîna desthilateke din e, wê demê ev dibe darbe.”
Medenî Ferho behsa taybetmendiyên şoreşa Rojava jî kir û got: “Şoreşa 19`ê Tîrmehê ji Şoreşa Mehabadê jî cudatir e. Lewma Şoreşa Rojava destketiyên xwe parastin. Yekem şoreş e di dîroka Kurdistanê de ku xwe dispêre berxwedana gel. Tevlêkirina beşên gel hemûyan di standina biryar û rêveberiyê de û pêkanîna rola xwe di desthilatê de teqez dike.”
