Weşanxaneya Nûbiharê derbarê kitêbê û Fehmî Begê Pêçarî de van agahiyan dide;
Wî diwana xwe ya bi navê ‘Mexmûru’d-Dewawîn’ di sala 1956’an de qedandiye. Asta helbesta wî di nav edebiyata Kurdî ya klasîk de ji aliyê hunerî û edebî ve xwedî cîgehekî mustesna ye. Xwedî zimanekî giran e, lê ewçend jî ji hêla hunerên edebî ve têr û dewlemend e. Dîwana wî, dîwaneke muretteb e. Ji şêst û heft helbestên Kurmancî û yeke Erebî pêk hatiye. Ji vê dîwana wî bes nusxeyeke destxetî maye, ku ew jî wî bi xetê xwe yê pir xweşik û bi awayekî hunerane nivîsiye.”
