Destnivîsên Melayê Bateyî, ev 300 sal in li gundê wî têne parastin. Gundiyên ku xwe weke neviyên Bateyî didin nasîn, van destxetan pîroz dibînin û wan diparêzin.
25 berhem
Xezîneyeke dîrokî
Li gorî daneyan, ev destnivîs ji 300 salan zêdetir e li gundê Bateyê, ji aliyê nevî û nasên Melayê Bateyî ve weke xezîneyeke pîroz a dîrokî tên parastin. Ji nasên Melayê Bateyî, Mela Nûrî Guzel dibêje, “Em wek nevî û nasên wî tên nasîn. Bi sedan salan e dapîr û bapîrên me li vî gundî jiyane. Û li gorî wan û yên ji wan re gotine, baş dizanin ku ev destnivîs aîdê mewlûda Mela Husênê Bateyî ne û bi destê wî bi xwe hatine nivîsandin. Ji bilî mewlûdê, çend berhemên wî yên din jî hene. Ji bo ku zerarek neyê serê van destnivîsên wî, em wan di cihên taybet ên herî guncav de diparêzin.”
