Pirtûka derbarê kesayetiya Endamê Konseya Rêveber a KCK Diyar Xerîb bi nasnav Helmet ku di 5’ê Tîrmeha 2019’an de şehîd bûbû hatî nivîsandin, di pirozbahiya Newroza Qendîlê de bi awayek bêberaamber tê belav kirin û welatî eleqeyek mezin nîşan didin.
Pirtûka bi navê “Diyar Xerîb, manîfestoya kesayetiya azad û şoreşgerê Kurdistanê” ku wek 5 cildan (2800 rûpel) ji aliyê Rojnameger Hesen Cûdî ve hatî amadekirin ji berî çend rojan hate çapkirin.
Di wan 5 cildan de behsa jiyana Diyar Xerîb û têkoşîna wî tê kirin. Her wiha cih ji hemû hevpeyvîn û nivîsên ku wî bi xwe amadekirinî hatiye dayîn. Her wiha di dawiya cilda yekem a pirtûkê de jî wêneyên rengîn ên Diyar Xerîb (Helmet) hatine bi cihkirin.
Ev pirtûk cara yekemîn îro di pîrozbahiya Newroza Qendîlê bi awayek bêberamber tê parvekirin. Herwiha pirtûkên Rêberê Gelê Kurd Abdullah Ocalan jî tên belavkirin. Welatiyên tevlî Newrozê bûne eleqeyek mezin nîşanî pirtûkan didin.
(ab)
