Koma Şehîd Hogir bi dengbêjên temenmezin mîrata çandî ya berê û ya niha tîne cem hev û bi vê yekê hewl dide ku ruhê stranbêjiya folklorî di nav ciwanan de belav bike.
Koma Şehîd Hogir ji 9 hunermendan; dengbêj û muzîkjen pêk tê. Kom di sala 2011ʹan de bi awayekî veşartî hat avakirin û bi destpêka Şoreşa 19ʹê Tîrmehê de beşdarî Navenda Çand û Hunerê ya Xabûr a bajarê Hesekê bû. Ev kom bi çirûska yekemîn a Şoreşa 19’ê Tîrmehê re, li Navenda Çand û Hunerê ya Xabûr hate avakirin. Kom çîrokên dengbêjiyê yên ku pîşiyan xwe girtine, li gundan bi şev dibêjin û digihînin guhên nifşekî ku li ber jibîrkirina çanda pêşiyên xwe yên Kurd bû.
Di nav şêniyên herêmê de deng vedide
Têkildarî stranên komê Bedran diyar kir ku hin ji van stranên folklorî di dema çinînê de hatine gotin, hinek ji wan rewşa şer vedibêjin û got, dengbêj van bûyeran vediguherînin stranan da ku werin belavkirin û ew bûyer neyên jibîrkirin. Di dawetên kevin de amûrên muzîkê tune bûn, beşdaran û yên ku govend dikirin bi hev re stran digotin. Ev mîrat heta niha jî di nav xelkên Cizîra Botanê de heye.
