Pêşangeha hunerê ku berhemên hunermêndên jin ên ji Tirkiye, Kurdistan, Sûriye, Îran, Ermenistan û gelek welatên din di nav de ne, li bajarê Wîntherthûr ê Swîsreyê dest pê kir. Çi ji pêşangehê were, wê ji bo mexdûrên erdhejê li hesabê Heyva Sor a Kurdistanê bê razandin.
Berhem û xebatên hunermend Zehra Dogan, Marîlyn Ûmûrûngîi Larîssa Araz, Chloé Dall’Olîo, Polomo Ayala, Chîara Bersanî Reshma Chhîbaî,, Parastoû Foroûhat, Nîcola Genoveseve, Roman Selîm Kheredeîne, Kanî Marûf, Marîa Matîashova, Reût Naûm, Valentîna Trîet li pêşangehê ne. Pêşangeha ji aliyê Kolektîfa Zaîra Oram hat organîzekirin.
Pêşangeh, li Vogelsangstrasse 4, Wîntherthûrê li qada pêşangehê ya herî mezin a OXYD’ê heta bi 24’ê Nîsanê vekirî be.
MIJARA SEREKE BÊÇANDKIRIN E
Kurator Elenora Stassî ya ji Kolektîfa Zaîra Oram ku afirînereke vê projeyê ye, ji ANF’ê re axivî. Elenora Stassî, diyar kir ku ji bo zêdekirina piştevaniya jinan bi hev re, 3 jinên hunermend li ser têgeha “Bêçandkirinê“ sekinîne û got: “Ji xeynî ku ev xebat têkildarê femînîzmê ye, mirov dikare bibêje ku bi dîtîneke polîtîk, rexneyek e li pergala mêrserwer.“
BERHEMÊN BALKÊŞ ÊN LI PÊŞANGEHÊ
Hunermend Zehra Dogan, bi xebata xwe ya bi navê Ankebût Jin, di nav pêşangehê de ye. Zehra Dogan, ji ber ku xizmên wê di erdhejê de jiyana xwe ji dest dane, tev li pêşangehê nebû. Xebata bi navê Ankebût a Doganê wê li vir bidin ber firotinê û pereyê jê were wê bexşê mexdûrên erdhejê bê kirin.
Xebateke din a balkêş a pêşangehê jî performansa “Ji Radyoya Erîvanê“ ya Larîssa Araz e.
