Ji bo piştgiriya bi berxwedana gerîlayên azadiyê re, berhema hunerî ya bi navê ‘Gelayek dara mazî’ (Belçimê dara mazî) ji aliyê du hunermendên ji Rojavayê Kurdistan û Rojhilatê Kurdistanê ve hatiye amadekirin û hunermendek jî ji Başûrê Kurdistanê stranê dibêje.
Berhema hunerî ya (Belçimê dara mazî) di encama karek hevbeş ya sê hunermendên ji sê parçeyên Kurdistanê hatiye amadekirin û diyarî berxwedana gerîla ya li dijî dagirkeriya Tirk hatiye kirin. berhema hunerî cara yekeme li ser Rojnews’ê tê belavkirin.
Eyhan Gursê ku gotinên stranê amadekiriye, di derbarê berhema xwe de ji Rojnews’ê re got; “Muzîka vê berhemê ji aliyê hunermendê ji Rojhilatê Kurdistanê Hadî Murdarî ve hatiye danîn û ji aliyê hunermenda ji Başûrê Kurdistanê Şinyar Mecîd ve tê gotin.”
Eyhan Gursê diyarkir armanc ji vê berhema ku ji aliyê hunermendên sê parçan ve hatiye amadekirin, ewe ku Kurdistan yek parçeye, yek awaze û yek ruhê wê heye nayê parçekirin.
Berhema (Belçimê dara mazî) bi her du zaravayên Soranî û Kurmancî hatiye amadekirin û wê îro li ser Rojnews’ê yekem car were belavkirin.
(kş)
