WSP (Wênegirên jin yên kolanan) destpêkê di sala 2017’an de weke hesabekî Instagramê hate vekirin. Lê bi demê re weke platformeke wênegirên jin kar û barên xwe berfereh kirin û li gelek deveran pêşangehên wênegirên jin yên kolanan vekirin. Ev platform îsal jî di 8’ê Nîsanê de, li Artstpace PS109 ango li New Yorkê, bi pêşangehekê wêneyên li kolanan hatine girtin ên wênegirên jin nîşan dide.
Women Street Photographers ji nav 20 welatan 79 wênegirên jin yên ku li kolanan wêneyan digirin, neqandine û ew ê wêneyên wan di pêşangehê de nîşan bide. Kuratoriya pêşangehê jî avakara platforma WSP û nûçegîhana AP´yê ya berê, Gulnara Samoilova dike. Di pêşangehê de gelek wêneyên balkêş hene, hemû jî bi awayekî xwezayî hatine girtin. Her wêneyek kêliyên li kolanan bi înstantaneyên xweşik radixe ber çavan û nihêrîneke nû bi bi mirovan re çêdikin.
Pêşhukman dişikîne
Wêneyê Anna Biret ê ku li Hindîstanê awirê keçikeke ku sî ketiye ser rûyê wê û wêneyê Nina Welch-Kling a ku tav daye ser balonan, du wêneyên xweşik yên pêşangehê ne. Wekî din jî gelek wêneyên bi vî rengî yên wênegirên jin yên li kolanan hatine girtin, di pêşangehê de tên nîşandan.
