Li navçeya Çemçemal a Silêmaniyê Festivala Çand, Huner û Rewşenbîriyê hat lidarxistin. Di festîvalê de gelek berhemên xurak û kelûpelên xwemalî hatin nîşandan. Wê festival du rojan berdewam bike.
Îro li Parka Derwaze ya navçeya Çemçemal a Silêmaniyê bi hevkariya Rêxistina Geşepêdanî Medenyet (CDO) û Encûmena Gencanî Serkirde ya Çemçemalê, Festivala Çand, Huner û Rewşenbîriyê hat lidarxistin. Di festîvalê de berhemên xwemalî hatin nîşandan.
Di yekem roja festivalê de gelek cûrên xurak û karên ku jinan bi dest çêkirine hatin nîşandan. Her wiha gelek çalakiyên hunerî hatin pêşandan. Di festivalê de pêşangehek biçuk a pirtûkan jî hat vekirin.
Endamê komîta amadekar a festivalê Bêstun Rehîm di derbarê armanca lidarxistina festivalê de ji Rojnews’ê re got; “Armanca me ya lidarxistina festivalê aliyê mirovî, çandî û şaristanî ya Çemçemalê dayîna nîşandane. Rêxistina CDO tevayî xerciya festivalê pêşkêş dike û seredana festivalê jî bê pere ye.”
Bêstun diyarkir zêdetirî 30 kompanya û kes bi berhemên xwe tevli festivalê bûne û wê festival sibe jî bi çalakiyan berdewam bike.
(kş)
