Ciwanên navçeya Çemçemal a Silêmaniyê festivalek hunerî lidarxistin. Di festivalê de cilûbergên Kurdî, şêwazê berê yê jiyana Kurdewarî hate nîşandan. Berpirsên festivalê diyarkirin armanca wan ji festivalê ewe ku hîn zêdetir çanda Kurdewarî were nasandin û neyê ji bîr kirine.
Îro li Hola Rewşenbîrî û Baxçeyê Nîştiman ên navçeya Çemçemal a Silêmaniyê, ji aliyê rêxistina Dîdgay Niwê ve festivalek hunerî hate lidarxistin.
Di festivalê de reş kon hate vedan, gelek kelûpelên kevnarî yên jiyana Kurdewarî hatin nîşandan.
Di festivalê de gelek çalakiyên wek helbest gotin, nîşandana cilûbergên Kurdî, konsert û çalakiyên werzişî hatin pêşkêşkirin.
Yek ji endamên komîta amadekar a festivalê Mebest Ebas, di derbarê armanca lidarxistina festivalê de ji Rojnews’ê re axivî û got: “Wek komek ciwanên Çemçemal ji bo hîn zêdetir çanda Kurdewarî were nasandin û neyê ji bîr kirin, me vê festivalê lidarxist.”
Wê festival sibe jî berdewam bike.
(kş)
