Ji gundê Lasê yê Helşo 10 kes bi hev re ji bo binkolkirina rezên malê Ruqye Ebdullah hatine û bi hev re bi zêbare kar dikin. Ruqiye Ebdullah ji karek giran li ser milane, ew jî mîna mêran karek giran girtiye li ser milê xwe û ji bo wan xwarinê amade dike. Li gundê Helşo şênî di her warî de bi hev re dibin alîkar.
Ber bi gundê Lasê yê ser bi bajaroka Helşo bi rê ketin, sibehek zû li gel rûniştvanên gund çûyîn li gel mala Ruqiye Ebdullah ku karê rezên wê bikin.
Demseala biharê nûbûna xwezayê ye. Di vê demsalê de welatî dest bi kolandina rezan û paqijkirina wan dikin. Li gundan piranî kar bi zêbare tê kirin. Gundî diyar dikin ku her karekî ku bi zêbare were kirin hêsane.
Xwezaya bi kesakiyêyê xemiliye. Her çiqas îsal hişke salî li çend cihekê diyar dibe, lê zêde bandorî li vê herêmê nekiriye.
Karê bi tenê zehmete û tenê bi zêbare dikarin xelas bikin. Li gund jiyana bi hev re gelek girîngiyê didinê.
Rezên mala Ebdullah Ferxe li nêzî sînorê di navbera Başûrê Kurdistanê û Rojhilatê Kurdistanê ye û heta niha riya wesayîtan nîne. Bi dewaran hatinûçûnê dikin. Ev ji bûye sedem ku trektor negihîje nava rezan, bi piyan bi kolin.
Bextiyar Qecer yek ji gundên dine ku li gund rezê wî heye, îro hatiye alîkariya Ebdullah Ferxe bike. Bextiyar Qecer got: “Li zozanên Helşo du cûrên tirî heye. Tiriyê reş û spî. Rezên me piranî dêm û tiriyê reşe. Li herêmê payîzê çinîna tirî destpê dike.”
Bextiyar Qecer diyar kir ku hema tiriyê de çinandin hinekê difiroş in û hinekê jî dikin dibis û got:”Tevî westanek zêde perek kêm dike. Ji ber ku tirî ji derve tê hawirdekirin û rê li pêşiyê nayê girtin. Lewma neçar in erzantir bifiroş in.”
Paşmayînên mayîn û teqemeniyên ji dema şerê 8 salî yê di navbera Îran û Iraqê de mayîn hîn li ser şêniyên wê herêmê gef û metirsiye.
(ab)
