Bi armanca xûrtkirina bihevre jiyana netewên cûda ên Kerkûkê pêşangehek wêneyan hate vekirin.
Îro Gruba Hişyariya Gencan li cadeya Komarî ya Kerkûkê bi armanca xûrtkirina peywendiya navbera pêkhateyên cûda yên bajêr, pêşangehek wêneyan vekir.
Di pêşangehê de zêdetirî 20 tablo hatin nîşandan û di wêneyan de bal hatibûn kişandin ser bihevre jiyana netewe û pêkhateyên bajêr.
Ji netewa Kurd, Ereb û Tirkmen gelek kes serdana pêşangehê kirin. Her wiha di pêşangehê de sitran û mûzîk jî hatin gotin.
Berpirsê Gruba Hişyariya Gencan Soran Serdar, di derbarê armanca vekirina pêşangehê de got, “Armanca me ewe ku bihevre jiyana gelan li ser bingehek rast û aşitiyê be ji ber ku li bajêr çend netewek cûda bihevre dijîn.”
Di dawiya pêşangehê de bawername bi ser şêwekaran de hate belav kirin. Ji ber şopandina pêşangehê jî ajansa me hate xelatkirin.
(kş)
