Îro li Navenda Rewşenbîrî ya bajarê Kerkûkê pêşengeheke taybet ya wêneyan ji bo keç û kurên Kerkûkê hate vekirin. Pêşengeh bi dirûşmeya ‘ber bi demokrasiyê’ ji aliyê Rêxistina Viyan ve hate lidarxistin.
Berpirsê Rêxistina Viyan Aheng Enwer derbarê rêxistinkirina vê pêşengehê ji ajansa me re axivî û got: “Em Rêxisitna Viyan îro me ji bo 15 keç û kurê wênesaz ê Kerkûkî pêşengehek vekir. Pêşengeh bi dirûşmeya ‘ber bi demokrasiyê’ hatiye vekirin. Sedemê hilbijartina wê dirûşmeyê ji bo pêşengehê jî ev e ku niha li Iraqê hilbijartin li pêşiya me heye û ji Iraqê re jî demokrasî weke tiştekî xirab hatiye nîşandan.”
Aheng Enwer her wiha bal kêşand li ser tişta ku di wê pêşengehê de hewlhatiye dayîn ku bê nîşandan û wiha pê deçû: “Cihê kêyfxweşiyê ye ku me karî hejmarekî zêde keçên Kerkûkê beşdarî vê pêşengehê bikin. Her wiha me karî ku di vê pêşengehê de pirsgirêkê siyasî û civakî ku li Kerkûkê hene nîşan bidîn û me hewl daye ku aliyê xweşik yê demokrasiyê nîşanî gelê Kerkûkê bidin. Mixabin di civaka me de demokrasî weke êrîşbirina li ser hevudu dibînin.”
Aheng di dawiya axaftina xwe de ragihand: “Em Rêxistina Viyan me bi vê pêngavê hewl daye ku rûyê xweşik ê demokrasiyê nîşanî gelê bajarê Kerkûkê bidîn.”
