Fîlmê bi navê ‘Dema Dirîreşkan’ wê 21’ê Gulanê, roja Şemiyê saet 7’ê êvarê li salona Fîlmforûm NRW’ê bê nîşandan.
Li gor agahiyên hatin bidestxistin, Sefaretxaneya dewleta Tirk zext li rêveberiya Fîlmforûm NRW’ê kiriye û nîşandana fîlm pê daye betalkirin.
Xwediyê salonê bi nivîskî ji ekîba fîlm re ragihand ku ew ê ji ber sedemên teknîkî nekare fîlmê nîşan bide.
Piştî demeke kin, îcar rayedarên Fîlmforûmê yên telefonê ekîba fîlmê kirin, diyar kirin ku fîlm li Elmanyayê nesansorkirî ye û bi awayê hatiye plankirin wê bê nîşandan.
Ekîba fîlmê jî bi daxuyaniyeke nivîskî bertek nîşanê zextên dewleta Tirk da.
Di daxuyaniyê de ev tişt hatin ziman: “Normal e dewleta Tirk ji hunerê bitirse. Vê hefteyê jî konserên hunermendên Kurd betal kirin û gelek hunermend girtin. Deshilatdariya AKP-MHP’ê ku dixwaze hebûna xwe rewa û domdar bike, çi tiştekî ku jiyan pê biguhere, xweş bibe, bike ku mirov bikare bijî, dike sûc.
Ev rewşa heyî ya ku mirov dibêje qey demkî ye, lê bûye pêkanîneke rojane ya dewleta Tirk. Wek ku me di rojên dawî de jî dît, dewleta Tirk zêde zextan li mirovan dike. Dixwaze van pêkanînên xwe bi dewletên Ewropayê jî bide kirin. Dixwaze hunerê bike qurbana berjewendiyên qirêj ên siyasetê. Ji bo wê jî hewl dide feraseta ‘yên ji hunerê sûcan çêdikin û hunermendan dikin sûcdar’ li her derê belav bike. Em vê ferasetê şermezar dikin. Em bawer in ku wê hemû hunerhez bi rengekî xurt xwedî li fîlmê me derkevin. Armanca me helbet ew e ku bibin liyaqê temaşevanan. Tiştên civak hay jê nîne nîşan bidin û hema hinek be jî hestiyariyê çêbikin.”
Hefteyên bên, cihên ku wê fîlm lê were nîşandan ev in:
PARÎS
21/05/2022
20:00
Les 7 Parnassîens 98 Bd du Montpamasse,
75014 Parîs, France
KOLN
21/05/2022
19:00 – 21:30
Fîlmforûm NRW Bîschofsgartenstraße 1,
50667 Koln, Gemany
NURNBERG
26/05/2022
FîlmhaûsK4/Kûnst Kûltûr Qûartîer,
Konîgstr 93,
90402 Numberg, Germany
MARSÎLYA
04/06/2022
18:30
Navenda Çanda Kurd
33 BdBûrel,
13014Marseîlle, France
DRAGÛÎGNAN
12/06/2022
13:00-15:00
130 Boûlevard Joseph Bemard de Trans en Provence,
83300 Draguîgnan, France
HEÎDELBERG
18/06/2022
19:00
Karlstorkîno Am Karlstor 1
Heîdelberg, Germany
KÎEL
26/06/2022
19:00
PÛMPE Haßstraße 22,
24103 Kîel, Germany
