Li Wargeha Penaberan a Şehîd Rustem Cûdî (Mexmûr) 13’yemîn Mihricana Çand û Werzîşî ya ku ji aliyê qada perwerdê ve bi boneya rojbûna Rêber Ocalan hatibû destpêkirin di roja xwe ya 3’yemîn de didome
Di çarçoveya 13’yemîn Mihricana Çand û Werzîşî ya 4’ê Nîsanê ku di 2’yê Nîsanê de ji aliyê qada perwerdê ve bi boneya rojbûna Rêberê Gelê Kurd Abdullah Ocalan hatibû destpêkirin, îro di saet 06: 30’an de li Dibistana Seretayî ya Şehîd Mihemed Karasungur dar hatin çandin. Piştî dar çandinê li Navenda Çand û Hunerê ya Mexmûrê seet 08: 30’an de pîrozbahiya rojbûna Rêber Ocalan bi awayêk fermî destpê kir.
Pîrozbahiyê deqeyek rêzgirtina ji bo şehîdên Tevgera Azadiya Kurdistanê û xwendina Merşa Neteweyî destpê kir.
Piştî rêzgirtinê Hevseroka Komîteya Perwerdê Bêrîvan Kaya axiftina vekirine kir. Kaya roja rojbûna Rêber Ocalan li hemû gelan piroz kir û got: “ Em vê mihricana ku hatiyê amade kirin diyarî Rêbertiya xwe dikin. Di pêvajoyek wisa de bargirtina li ser milê xwe erka herî giranbiha ya welatparêziyê ye. Xwedî derketina 4’ê Nîsanê li hember dijmin bersiva herî xurte. Gelê Kurd bi 4’ê Nîsanê wate bûye. Em paradîgmaya Rêber Apo re bûne yek. Ji ber vê yekê em vê rojê wek rojbûna xwe dibînin.”
Piştî axiftina vekirinê pasta ji aliye endamên saziyên wargehe ve hat birîn. Piştî birina pastê, Skêça li ser girîngiya perwerdê hat pêşkêşkirin. bi wê girêdayî helbest hatin xwendin û pêşbirka stranan ya di navbera dibistanên Seretayi, Navin û Amadeyî de hatin kirin.
Pîrozbahî piştî navbera nîvro wê di seet 13.30’an de berdewam bike.
(ab)
