Li Wargeha Mexmûrê 13’emîn Mîhrîcana Çand û Werzîşê ya 4’ê Nîsanê destpêkir. Mîhrîcan bi tornûvaya fotbulê hate destpêkirin û wê heta 4’ê Nîsanê bi çalakiyên cûr be cûr berdewam bike.
Bi boneya 4’ê Nîsanê roja ji dayîkbûna Rêberê Gelê Kurd Abdullah Ocalan, li Wargeha Mexmûrê 13’emîn Mîhrîcana Çand û Werzîşê ya 4’ê Nîsanê destpêkir. Mihrîcanê wekî hemû salên din bi turnovaya futbolê destpêkir.
Beriya ku mîhrîcan were destpêkirin li ser giyanê tevahî şehîdên Gareyê deqeyek rêz hate giritin û piştre li ser giringiya mîhrîcanê Mamote Cemîl Kara axivî. Kara di serî de mîhrîcana çand û werzîşê diyariyê Rêberê Gelê Kurd Abdullah Ocalan kir û got: “ Hemû şervanên azadiyê niha li her qadê li beramberê dijminên hov têkoşîn dikin. Em jî vê mîhrîcana xwe diyariyê wan berxwedêrvanan dikin. Armanca me ya vê mîhrîcanê, pîrozkirina 4’ê Nîsanê ye. Bi pêşengtiya qada perwerdê emê bi tûrnûvaya fotbûlê dest bi mîhrîcana xwe bikin. Her wiha em silavên xwe ji çalakvanên greva birçîbûnê re dişînin. Emê bi saya van çalakiyan, Rêberê xwe azad bikin. Li her qada ku çalakî lê tê kirin, ew der pîroz e. Heta ku em Rêberê xwe azad nekin, emê dest ji têkoşîna xwe bernedin. Em di wê baweriyê de ne em ê teqez bi serkevin û Rêberê xwe bi fîzîkî azad bikin.”
Piştre 13’emîn Mîhrîcana Çand û Werzîşê ya 4’ê Nîsanê bi tûrnûvaya fotbulê destpêkir. Wê çalakiyên ji bo mîhrîcanê heta 4’ê Nîsanê berdewam bikin.
(ah-jp)
