Li Wargeha Penaberan a Şehîd Rustem Cûdî (Mexmûr) di çarçoveya çalakiyên ji bo 8’ê Adarê de bi ji aliyê Meclîsa Îştar ve pêşangehek çandî û hunerî hate vekirin.
Li Wargeha Penaberan a Şehîd Rustem Cûdî di çarçoveya çalakiyên ji bo 8’ê Adarê de ji aliyê Meclîsa Îştarê ve pêşangehek ya çand û hunerê li Salona Konferansê hate lidarxistin. Di pêşangehê de bi sedan jin bi cilûbergên xwe yên Kurdî amade bûn. Gelek mêvanên ji Şengal û bajarên din ên Başûrê Kurdistanê jî serdana pêşangehê kirin.
Di pêşangehê de xwarinên gelerî, kelûpelên ku bi dest tên çêkirin û tablo hatin nîşandan. Her wiha Koma Şehîd Delîla jî bi sitranên xwe reng da pêşangehê.
Beriya pêşangeh destpêbike deqeyek rêz ji bo Şehîden Tevgera Azadiya Kurdistanê hat girtin. Piştre Endama Koordinasyona Meclisa Îştar Nuran Sezgîn axiftina vekirinê kir. Sezgîn di destpêka axaftina xwe de 8’ê Adarê li mîmarê azadiyê Rêber Apo û şervanên azadiyê pîroz kir û wiha domand: “Di rojek wiha de hatina gel hev û mêvanên xwe pêşwazîkirin cihê şahnaziyê ye. Armanca me ya vê xebatê kevneşopiyên Kurdewarî parastine. Dijmin hertim ji xwebûne ditirsiya û ji ber vê yekê êrîşên xwe domandiye. Ji bo vê yekê emê wekî jin xwe rêxistin bikin, di xwebûn û azadiyê de bi israr bin.”
Piştî axaftina Sezgîn mêvanên ku ji Şengal û Qadên Basûr hatîn, peyamên xwe yên 8’ê Adarê dan diyarkirin. Piştî peyam hatin dayîn, xwarinên ku hatibûn amadekirin, berhemên bi dest hatîn çêkirin da nasîn. Her wiha piştî danasînê pêşengeh bi sitranên Koma Şehîd Delîla bi dawî bû.
(xr-ah)
