Navenda Çand û Hunerê ya Wargeha Penaberan a Şehîd Rustem Cudî sala nû bi gerana kosegerî ku weke kevneşopiyekê heta roja me ya îro hatiye, li şêniyên wargehê pîrozkir.
Li Wargeha Penebaran a Şehîd Rustem Cûdî (Mexmûr) sala nû ji aliyê Navenda Çand û Huner a Mexmûrê (NÇHM) ve bi gerana kosegerî hat pîrozkirin.
Girêdayî pîrozbahiya sala nû û kevneşopiya kosegeriyê Endamê Çand û Hunerê Serbest Çetîn axivî, di destpêkê de sala nû li Rêberê Gelê Kurd Abdullah Ocalan, şervanên azadiyê û gelê Kurd pîroz kir û wiha pêde çû: “Bi kosegerî pîrozkirina sala nû, kevneşopiyek me Kurda ye. Em her sal pîroz dikin, îsal jî me xwest em heman awayî çanda xwe bidin berdewam kirin. Em li tevahî malên di wargehê digerin û sala nû li wan pîroz dikin. Salek pir bi êş bû, wek Çand û Huner a Mexmûrê me jî xwest kêm jî be, ji bo gel bibîn kêyfxweşiyek.”
Pîrozbahî ji Navenda Çand û Hunerê destpêkir û li Meclîs, Şaradarî, dikan û tevahî malên wargehê geriyan û sala nû pîrozkirin.
(ah-jp)
