Li Wargeha Penaberan a Şehîd Rustem Cûdî (Mexmûr) Saziya Çand û Huner a Kevana Zêrîn hate vekirin.
Li Wargeha Penaberan a Şehîd Rustem Cûdî (Mexmûr) Saziya Çand û Hunerê ya Kevana Zêrîn hat vekirin. Bi dehan şêniyên wargehê tevlî merasîma vekirîbûn. Merasîma vekirinê bi deqeyek rêzgirtin hate destpêkirin. Piştî rêzgirtinê Endama Koordînasyona Meclisa Îştar Fadîle Tok axaftina vekirinê kir.
Tok di şexsê Şehîd Hozan Mizgîn de tevahi şehîdên meha Gulanê bi bîr anî û wiha got: “Hozan Mizgîn bilbilê Botanê bû. Şoreşa me şoreşa şehîdane. Heval Mizgîn di sala 1962’yan de li gundek Batmanê ji dayîk bûye. Di sala 1992’an de hem xebatê çandê hem jî xebatên şoreşgerî daye meşandin. Di şoreşa Kurdistanê de keda Şehîd Mizgîn cihekî yê xwe bi nirx heye. Heval Mizgîn bi stranên xwe êşa Kurdistanê û bindestiya gelê Kurd aniye ziman. Gelê Botanê bi dengê Mizgîn û Sefkanan rabû ser piyan. Şehîd Mizgîn di sala 1992’yan de li Tetwanê di şerekî de tevlî karwanên şehîdan dibe. Ti caran dengê Şehîd Mizgîn ji nava dilê şoreşê ne çûye û wê hertim di dilê me de bijî.”
Piştî axiftina Endama Koordînasyona Meclîsa Îştar Fadîle Tok, kurdela hat birîn. Piştre merasîma vekirinê bi koma dansê ya Kevana Zêrîn, koma Şehîd Delîla û koma Kevana Zêrîn a muzîkê reng dane bernamê. Herî dawî vekirina Saziya Kevana Zêrîn bi girtina govendê bi dawî bû.
(xr-ah/(ab)
