Rêveberiya Sovyetê sala 1937’an Kurdên Kafkasan sirgunî Qazaxistanê kiribûn. Roja îro qederê 6 hezar Kurdî li bajarên cuda yên Qazaxistanê hene.
Di sala 2000’î de Kurdan ji dewletê xwest ku zimanê Kurdî jî di nava pergala perwerdeyê de cih bigire û dersên Kurdî bên dayîn. Ev daxwaza wan heman salê hat qebûlkirin û li 16 gundên Kurdan, dersa zimanê Kurdî dest pê kir. Ders li dibistanên dewletê wekî dersa bijarte tê dayîn û meaşê mamosteyên Kurdî ji aliyê dewletê ve tê dayîn. Malbatên Kurd zarokên xwe şandine vê dersê. Mamosteyên ziman jî, Kurd in.
Ruslan Dewrêşov li gundê Qasqabûlaq dijî û li vî gundî nêzî 30 mamosteyan dersên bi zimanê Rusî, Îngîlîzî, Qazaxî û Kurdî didin. Ruslan Dewrêşov da zanîn ku rêveberê dibistanê jî Kurd e û bi alîkariya înternet û pirtûkên heyî, ew zarokan perwerde dikin.
