Li Şarezûr û Koyeyê bi boneya Roja 21’ê Sibatê Roja Zimanê Dayikê semîner hatin dayîn. Di semînerê de Roja Zimanê Dayikê pîrozkirin û pispor û mamostayên ziman ji bo ziman tine nebe, qala girîngiya bikaranîna ziman kirin.
Bi boneya Roja Zimanê Dayikê Kolêja Perwerdeya Şarezûr semînerek ji bo Dr. Tara Muhsîn, Dr. Aryan Sidîq û Mamosta Behre Selam hate organîzekirin.
Dr. Tara Muhsin diyar kir ku her neteweya ku zimanê wê yê dayikê tine bibe, ew bi xwe ji tine dibe û got: “Tişta ku em zindî hiştine, zimanê me ye.”
Mamosta Behre Selam jî got;”Divê em jî bi ziman peyamê bidin kesê beramber, ji ber ku tenê ziman riya daxwazên xwe bigihînin kesên berambere.”
Li Zanîngeha Koyeyê jî semînerek bi navê ‘Zimanê Dayikê di bin hegemonya cîhangerî de’ bi armanca parastina zimanê Kurd hate dayîn. Di semînerê de hate gotin ku divê ji bo parastinê girîngî bi devokan cuda were dayîn.
Mamostayê Zanîngeha Koyeyê Hîwa Selam diyar kir ku li cîhanê zimanê Kurdî zimanek zindî ye. Herwiha Mamostayê Zanîngeha Koyeyê Hewjîn Silêwe eşkere kir ku hebûna Kurdan bi parastina ziman, çand û ferhenga Kurdî dibe.
(ab)
