Li Silêmaniyê pêşangehek wêneyan hate vekirin, di wêneyan de çand û jiyana kevin a Kurdewarî hatibûn xêzkirin.
Piştî saetên nîvro li Galeriya Emnesoreke ya Silêmaniyê pêşangehek ji aliyê Gruba Şêwekarî ya Pêweşnî Kelturî ve hate vekirin.
Di pêşangehê de 24 şêwekar ku ji wana 18 jin bûn tevli pêşangehê bûn.
Di pêşangehê de bi dehan tablo hatin nîşandan. Di piraniya tabloyan de çand û jiyana kevin a Kurdewarî hatibûn xêzkirin.
Şêwekaran diyarkirin armanca wan a vê pêşangehê ewe ku nifşê nû di derbarê jiyana berê ya Kurdewarî de şarezabûna wan çêbe.
Pêşangeh wê du rojan berdewam bike, ji saet 14:00’an destpêdike ta saet 16:00’an bi dawî tê.
(kş)
