Li Xormal perde li ser peykerê Profesorê Kurd Mistefa Zelmî hate rakirin.
Li bajaroka Xormal a Helebce bi amadebûna berpirsên hikûmetî û nûnerên partî û saziyan, heval û malbata wî perde li ser peykerê Profesorê Kurd Mistefa Zelmî hate rakirin.
Peyker ji aliyê Peykersaz Omer Cemîl ve hate çêkirin. Peykersaz Omer Cemîl ji Rojnews’ê re got: “Bi kêfxweşî min erka çêkirina peykerê Prof. Dr. Mistefa Zelmî li ser milê xwe girt. Min di nava 4 mehan de temam kir. Peyker 2 metre û 50 santîne. Penahiya peyker jî 85 santînmerteye.”
Mistefa Zelmî kiye?
Profesorê Kurd Mistefa Zelmî di sala 1924’an de li gundê Zelmî ya naçeya Xurmal a Helebceyê ji dayik bûye. Li gundê Zelmî 12 salan jiyan kiriye. Weke zanyarekî ola Îslamê û hiqûqnasekê tê naskirin.
Di sala 1934’an de ji bo xwandina olî li gelek mizgeftên Kurdistanê û Iraqê geriyaye. Di warê birkarî, ola îslamê û zanîsta stêrknasî xwendiye.
Bawernameyên girtîne;
Di sala 1946’an de bawernameya zanistiya ola Îslamê wergirtiye.
Di sala 1965’an de li Zanîngeha Bexda bawernameya yasayê girtiye.
Di sala 1969’an de li Bexda Mastera şerîeta ola Îslamê kiriye.
Di sala 1971’an de li Zanîngeha Ezher Misir mastera di warê zanîsta fikih de.
Di sala 1973’an de li Zanîngeha Ezher Mastera Yasa.
Di sala 1975’an de li Zanîgeha Ezherê Doktoraya li fikih.
Di sala 1981’an de li Zanîngeha Bexdayê nasnameya cigirê profesor girt.
Di sala 1985’an de li Zanîgeha Bexda bû profesor.
Herwiha Mistefa karê melatî, mamostiya yasayê jî kiriye û zêdeyî 50 pirtûkên wî yên di warê yasa û ol de hene. 40 tezên wî jî hene.
Di 4’ê Hezîran 2016’an de li Hewlêrê di temenê 92 saliyê de koça dawî kir.
(ab)
