Yekîtiya Xwendekarên Kurdistanê (YXK) û Jin ên Xwendekar ên Kurdistanê (JXK) ragihand ku wê bi dirûşma ‘Wêje, huner û berxwedanê bi me re pîroz bikin!’ 28’emîn Pêşbirka Çîrok û Helbestan a Huseyîn Çelebî li dar bixin.
Pêşbirk wê bi wesîleya 30’emîn salvegera damezrandina YXK’ê pêk were. Îsal wê di 23’ê Cotmehê de bi çalakî û bernameyên cuda li bajarê Freiburg ê yê Elmanyayê bê lidarxistin.
Komîteya Amadekar bang li welatparêzan, hêzên demokratîk û wêjehezan kir ku tevlî pêşbirkê bibin.
Bernameya pêşbirkê wiha ye:
“Pêşbirka wêjeyê ya bi Kurdî, Tirkî, Îngilizî û Elmanyî
Muzîk: Hîvron, Hozan Şemdîn, Dengbêj, Folklor, Govend.”
Pêşbirk wê wê li navnîşana ‘Feldbergstrasse 25A 79115 Freiburg’ê 23’ê Cotmehê saet di 14:00 de dest pê bike.
Agahiyên berfireh ên li ser pêşbirkê wê piştre bêne parvekirin.
Ji bo wergirtina agahiyên berfireh ev navnîşan hatin parvekirin:
Instagram: huseyincelebi_festivasl2021
E-posta: [email protected]
