Ew li gundê Hakko yê ser bi Talînê sala 1938´an hatiye dinê, eynî wê sala Stalîn radyo dayî girtin. Lê malbata wî ji Bakurê Kurdistanê bû. Gava wî behsa xwe dikir, digot, “Kal bavê min ji Qersê hatinin.” Yanî ji Bakurê Kurdistanê koçberî Ermenistanê bûne. Ji bo karê xwe yê bê navber ê li Radyoyê ew dibêje, “Ji sala 1960´î da heta niha ez kar dikim.” Yanî emrek di xizmeta miletê xwe de bihurandiye. Vê dawiyê ew ne tenê ye ji mala xwe, “Ji xeynî min Tîtalê Kerem kurê min, Leyla Kerem keça min, ew jî kar dikin.” *
Serpêhatiya Radyoya Erîvanê 1930´î dest pê bike jî, heta ku Stalîn wê radyo bidana girtin, yanî sala 1938´an, li radyoyê tenê nûçe dihatin dayîn. Heciyê Cindî û hevjîna wî Zeyneba Îbo hingê ev nûçe pêşkêş dikin. Lê Radyoya Êrîvanê wê sala 1955´an ji nû ve dest bi weşanê bikira û ji sala 1960´î û pê ve jî wê dengê Keremê Seyad bibûya weke nav û nîşana radyoyê.
Heta bi wê radeyê ku qehremanên berhemên pexşanê jî navê wî hildin. Di romana Welî Sebrî de bele sebeb Xeloyê Kalik wiha bi Muhbayê re napeyive:
Ji bo radyo dewam bike 12 kîlometroyan her roj meşiya
