Di çarçoveya 11’emîn Festîvala Elewiyan a Brîtanyayê, lîstika ‘Ben Kolay Olmem – Ez zû bi zû namirim’ hate nîşandan ku lîstik ji aliyê hiqûqnasê Kurd Alî Has ve hatiye nivîsandin û tê de du helbestvanên mezin Ahmed Arîf û Cemal Sureya digihîne hev.
Hevseroka Cemxaneyê Fîlîz Koç û nûnerên rêxistinên girseyî yên demokratîk jî di nav de gelek kesî li şanoyê temaşe kir. Di lîstika şanoyê de Goktay Tosûn bi karakterê Cemal Sureya û Cuneyt Yalaz jî bi karakterê Ahmed Arîf rabû. Lîstika ku Nesîmî Kaygûsûz derhênerî jê re kir, muzîkên wê jî ji aliyê Vedat Yildirim ê ji Kardeş Turkuler û Cansûn Kuçukturk a ji Koma Bajar ve hatin amadekirin.
Di lîstikê de qala jiyana du helbestvanan û pêvajoyên bi xwîn ên dîroka nêz a Tirkiyeyê hate kirin. Bi taybetî bûyerên kuştina 33 Kurdan di sala 1943’an de ji aliyê leşkerên Tirk ve, Komkujiya Dersimê hatin vegotin.
