MÊRDÎN – Serê salê ya ku li gorî salnameya Hicrî destpêka sala nû ye û rastî 13’ê Çileyê tê, li Mêrdînê hat pîrozkirin.
Serê salê ya ku gelê kurd û Rojhilata Navîn li gorî salnameya Hicrî destpêka sala nû qebûl dikin û rastî 13’ê Çileyê tê, li Mêrdînê hat pîrozkirin. Xebatkarên Navênda Çanda Mezopotamyayê yên Qoserê, di çarçoveya pîrozbahiyên di kolanan de bûn “Kalikê Sersalê” û bi erbanan re derî bi derî geriyan. Xebatkaran ji kesên derî li wan vedikirin re bi gotina “Serê salê binê salê Xwedê zarokekê bide vê malê” sala nû ya welatiyan pîroz kir. Welatiyan jî, îkram dan kesên ku çûn li deriyên wan xistin. Bi vî awayî dîmenên rengîn derketin holê.