Bi şev li çayxaneyê qerebalixiyek zêde çêdibe û gelek kes ji bo derbaskirina demeke xweş û çay vexwarinê diçinê. Ji ber avhewaya sar a navçeya Soran çaya li ser pelan û sobeya daran, bûne du taybetmendiyên cuda yên vê çayxaneyê. Ji bilî çayê, qehwe, şîr gûz, mewîj, kizwan, hêjîr û tûyên hişkirî jî lê hene û welatî bi xwarina wan demeke xweş derbas dikin.
Zimanko Sirêşmeyî xwediyê çayxaneya çandî ya Soran e. Zimanko got, “Li hemû bajaran çayxaneyên bi vî rengî hene. Me jî nexwest em vê çandê ji bajarê xwe kêm nehêlin û me zindî kir. Çayxaneya me cihekî aram û dûr e ji dûkela cixare û nargîleyê. Ji hemû beşên civakê xelk tê çayxaneya me.”
Li gorî gotina xwediyê çayxaneyê, zivistanan Soran gelekî sar e, ji bona wê, hebûna soba daran di çayxaneyê de tam û hewayeke cûda dide çayxaneyê û welatî li ber sobeyê rûdenin û çayê vedixwin.
ROJNEWS/SORAN
