Ew pirr bala xwe nade ser vê xisleta xwe ya “jina pêşî”. Li şûna wê ew behremendiya xwe ya wênegirtinê bi kar tîne da ku minaqeşeyên çandî û dînî yên li welatê xwe îfade bike. Li welatekî ku jixwe van xetan rê li ber şerekî pirr xwinrij ê navxweyî vekiriye, nexasim jî ji ber destwerdanên hêzên ji derveyî Yemenê.
Ew sala 1994´an careke din vegeriya Yemenê û karê xwe yê li ser wênegiriyê dewam kir. Ew weke wênegireke serbest xebitî û gelek pêşangehên solo yên wêneyan vekirin, yan jî beşdarî gelekên din ên komî bû. Sala 1998´an êdî wê tenê wênegirî kir. Wê ji bo Neteweyên Yekbûyî, CARE International, the Royal Netherlands Embassy jî wêne girtin. Gelek galerî û muzeyên navdar berhemên wê kirîn. Di nava wan de British Museum a li Londonê, The Museum of Fine Arts a li Bostonê, û Weqfa Barjeel jî hebûn.
