Kovara xêzeroman a qerfî Zrîng a ku mehê carekê tê çapkirin ji ber şewba vîrûsa koronayê ji meha Adarê ve navber dabû çapa hejmarên xwe. Lê li ser daxwaza xwînêran hejmara nû ya Zrîngê di meha Cotmehê de, dîsa dest bi weşanê kir. Kovar niha bi hejmara 9’emîn a meha Kanûnê derket pêşberî xwînêrên xwe. Di hejmara meha Kanûnê de, kovar balê dikişîne ser qedexeya derketina kolanan, qeyrana aborî ya li welat, fesadiya neyarên kurdan a di navbera wan de, beraetkirina kujêrê Kemal Kûrkût, hejmara daneyên vîrûsa koronayê yên Wezîrê Tenduristiyê, xwedî derketina rojnameyên Xwebûn û Welat û gelek mijarên din. Kovara ku di her hejmarê de bi hin xêzkar û nivîskarên cuda derdikeve, Smaîl bi xêzên xwe û Metîn Mar jî bi nivîsa xwe di vê hejmarê de cihên xwe digirin.
Di hejmara 9’emîn de xêzkar Eşref Mûmcû bi “Mexlûqatên Eşref”, “Tirşik”, “Sosretîk”, “Melle”, “Tabletên Beredayî”, “Evînên Sist”, “Dîkê Qoqo”, Zehra Dogan bi “Xaltika Necîma”, Mehmûd Erbey û Mustafa Yaman bi “Xeto”, Mustafa Yaman bi “Bê Welle” Bunyamîn Karakoç bi “Dîtin û Gotin,” Hebûn bi “Belengaz Behrî,” Zindan bi rûpela xwe ya “Hemed,” Micheal Erdman, Erceren û Kubîlay Odabaş, bi xêzên xwe, Şêx Zubêr bi nivîsa xwe ya bi navê “Manîfesto”, Îkram Balekanî bi nivîsa “Kurd dibêjin CAŞ!”, Ozgur Amed bi nivîsa “Qûna Tazî Behrê Dixwazî”, Mem Aliyê Kamûr bi nivîsa “Durûtî”, Metîn Mar bi nivîsa “Merheba Zirîng”, Azad Kûtî jî bi nivîsa xwe ya “Meselokên Me” balê dikşînin ser mijarên cûrbicûr û bi van mijaran mevanên xwe pêşwazî dikin.
Kesên bixwazin kovarê bigirin li pirtûkxane û bayiyan dikarin peyda bikin.
